Chas liom sa tslí sionnach beag lár sráide
A súile ar crith faoina cóta caol scáinte
i mbascaeidín bruscair a pus aici bhí sáite
is d’éalaigh arís gan focal agam ráite
Fada uaim anois mo mhaidrín rua úd
a tháinig is d’imigh d’aon mhear-ruathar
chun do choileán beir thusa mo dhúthracht
is beathaigh go barr iad chun gur leo a shiúlfad
An oíche sin féin is maidríní im thimpeall
siúlfad an chathair idir eaglais is teampall
is fillfidh ansin orm taobh theach an phobail
is glanfad a cóta, is cíorfad a drioball
Is nuair a chasfar liom arís sionnach seo lár sráide
A cóta an uair seo beidh sí maorga is mánla
Is scata coileán chuici a bheidh srónsáite
ach imeoimid arís gan siolla eadrainn bheith ráite
Is maith liom curaí, curaí le m'iógart, iógart le mo churaí, curaí le m'iógart 
